Walter Huff er slunginn tryggingasölumaður. Dag einn verður frú Phyllis Nirdlinger á vegi hans. Hún vill kaupa slysatryggingu fyrir eiginmann sinn. Í kjölfarið lætur hún í ljós áhuga á að eiginmaður hennar verði fyrir slysi. Walter laðast að Phyllis. Til að vinna hug hennar skipuleggur hann hið fullkomna morð — og svíkur öll sín lífsgildi.
Mögnuð skáldsaga um undirferli, sektarkennd og tortímandi ást.
James M. Cain er einn af meisturum harðsoðna-skólans í bandarískum bókmenntum. Tvær frægustu bækur hans eru Tvöfaldar tjónabætur(Double Indemnity) og The Postman Always Rings Twice. Eftir báðum þessum bókum hafa verið gerðar frægar kvikmyndir.
Þórdís Bachmann þýddi.
„Amerískt meistaraverk.“ – Ross Macdonald
„Engum hefur alveg tekist það sem Cain gerir, ekki Hemingway og jafnvel ekki Raymond Chandler.“ – Tom Wolfe
„Enginn hefur nokkru sinni hætt að lesa í miðri bók eftir Jim Cain.“ – Saturday Review of Literature
Kilja – 176 bls.
Útgáfuár: 2019