SÖNN SAKAMÁL 6
Sönn saga um hroðalegt morð og óhugnanlegar fyrirætlanir
Hinn 29. febrúar árið 2000 fékk John Price samþykkt nálgunarbann á vinkonu sína, Katherine Knight. Síðar sama dag sagði hann vinnufélögum sínum að hún hefði stungið hann með hnífi og ef hans yrði saknað einhvern daginn þá væri hún búin að drepa hann.
Daginn eftir mætti John ekki í vinnuna.
Vinnufélagar hans fóru heim til hans en þegar þeir sáu blóðslettur við útidyrnar hringdu þeir umsvifalaust á lögregluna. Lögreglumönnunum var öllum lokið þegar þeir opnuðu dyrnar.
Líki Johns hafði verið komið fyrir í stól. Hann hafði verið afhöfðaður og líkaminn húðflettur. Húðin hékk á dyrakarminum í stofunni en höfuðið var í eldhúsinu – ofan í potti með grænmeti sem var enn volgt. Tveir diskar voru á eldhúsborðinu, báðir merktir börnum Johns.
Það var greinilega ætlunin að bjóða börnunum í mat.
Mannætumorðinginn er áhrifamikil og óhugnanleg frásögn um fyrstu konuna í Ástralíu sem fékk lífstíðarfangelsisdóm fyrir glæp sinn með sérstökum viðauka: „Skal aldrei verða látin laus.“ Eins og í fyrri bókum skrifar Ryan Green á kraftmikinn og lifandi hátt eins og í bestu spennusögu.
Ragnar Hauksson þýddi.
„Ryan Green er ótrúlegur sagnamaður ... hann segir ekki aðeins söguna eins og hún gerðist heldur gerir lesandann að þátttakanda í henni.“ – Blackbird
* * * * * „Ég get ekki beðið eftir að lesa meira eftir þennan höfund.“ – amazon.com
Kilja – 194 bls.
Útgáfuár: 2022