Afi lokaði og læsti á eftir þeim. Hann leit ítrekað út um gluggann og var áhyggjufullur. – Hvað er að? spurði Herbert. – Ekki neitt, sagði afi.– Jú, víst, sagði Herbert. Það er eitthvað við þennan hund. Afi hristi höfuðið. – Ég hafði rangt fyrir mér, sagði hann. Þetta var enginn sjefferhundur. Ég held að þetta hafi ekki einu sinni verið hundur. Heldur eitthvað allt annað. Eitthvað hættulegt.
Í bænum Eldsala loga skógareldar. Eldsvoðarnir bera þess merki að vera viljaverk einhvers.
Á kvöldin heyrir Herbert hrollvekjandi ýlfur og sér stórar skepnur sem líkjast hundum bregða fyrir í skóginum. Skyndilega eru Herbert og Sallý vinkona hans flækt í ráðgátu sem er mun ískyggilegri en nokkurn gat grunað.
Munu þau geta bjargað Eldsala?
Tinna Ásgeirsdóttir þýddi.
Leyndardómur varúlfsins er sjálfstætt framhald metsölubókarinnar Uppvakningasótt.
Kristina Ohlsson er einn vinsælasti spennusagnahöfundur Norðurlanda. Ungmennabækur hennar (fyrir 8–13 ára) hafa líka slegið í gegn og verið þýddar á fjölda tungumála.
„Æsispennandi og ógnvekjandi. 5 stjörnur af 5.“ – Kamratposten
Innbundin – 280 bls.
Útgáfuár: 2022