Lögregluforinginn Vera Stanhope finnur lík konu í gufubaði sundlaugar. Hún heldur fyrst að konan hafi dáið af náttúrulegum orsökum en svo sér hún ummerki á hálsi hennar sem benda til þess að hún hafi verið kyrkt. Við rannsókn málsins kemur í ljós að konan hafði unnið að hræðilegu barnaverndarmáli á vegum félagsmálayfirvalda. Svo virðist sem málið tengist dauða hennar. En sjaldan er allt sem sýnist ...
Bækurnar um Veru Stanhope njóta mikilla vinsælda víða um heim, ekki síst eftir gerð velheppnaðra sjónvarpsþátta sem m.a. hafa verið sýndir hér á landi.Þetta er önnur bókin um Veru sem kemur út á íslensku.
„Bók sem maður getur ekki lagt frá sér.“ — Independent
„Heillandi og snjöll ráðgáta.“ — Daily Mail
„Ann Cleeves er fimur sögumaður sem kann að halda athygli lesandans og leiðir hann hægt og sígandi að lausn ráðgátunnar. Vald hennar á tungunni og hugvitssamleg tækni hennar við að segja sögu gera hana að einum allra snjallasta og hæfileikaríkasta rithöfundi glæpasagna.“ — Sunday Telegraph
Kilja – 340 bls.
Útgáfuár: 2017