Hættuleg sambönd <br><small><i>Pierre Choderlos  De Laclos </i></small></p>

Hættuleg sambönd
Pierre Choderlos De Laclos

translation missing: is.products.product.regular_price
5.999 kr
translation missing: is.products.product.sale_price
5.999 kr
VSK er innifalinn. Sendingarkostnaður er innifalinn í verði.

Skáldsagan Hættuleg sambönd fjallar um Merteuil markgreifynju og Valmont vísigreifa, lífsreynt, kaldrifjað aðalsfólk sem finnst vanta krydd í heldur bragðdaufa tilveru. Þau ákveða að draga fólk á tálar ýmist sér til skemmtunar eða í hefndarskyni og skrifast á um árangurinn.

Peðin í þessu magnaða manntafli þeirra skötuhjúa skrifast einnig á sín á milli og við þau. Sumar persónurnar eru einlægar en aðrar halda sig við hálfsannleika ef þær ljúga hreinlega ekki til að ná markmiðum sínum, stundum með óvæntum og grátbroslegum afleiðingum.

Þannig dregur höfundur upp áhrifaríka mynd af þeim dásamlegu og jafnvel hættulegu tilfinningum og hvötum sem knýja fólk áfram í lífinu. Ástarþrá, drottnunargirni, hamingjuleit, valdafíkn, hefndarþorsti og sjálfhverfa eru meðal þeirra  grundvallarþátta í fari fólks sem lítið sem ekkert hafa breyst í gegnum tíðina.

Þetta fangar Laclos meistaralega í Hættulegum samböndum. Allt frá því þessi frægasta bréfaskáldsaga heimsbókmenntasögunnar kom fyrst út í París árið 1782 hefur hún heillað og hneykslað lesendur um allan heim. Hún er nú talin eitt af höfuðverkum heimsbókmenntanna og hefur margoft verið kvikmynduð og sviðsett.

Friðrik Rafnsson íslenskaði og ritaði eftirmála um verkið og höfund þess.

Pierre Choderlos De Laclos fæddist í Amiens í norðurhluta Frakklands árið 1741. Hann gekk ungur í franska herinn þar sem hann varð höfuðsmaður. Í frítíma sínum fékkst hann við skriftir, orti ljóð og samdi meðal annars texta við gamanóperu áður en hann settist við að skrifa Hættuleg sambönd. Bókin óx í höndum hans og hann fékk leyfi úr hernum til að ljúka henni. Hættuleg sambönd var gefin út vorið 1782 og varð strax gríðarlega vinsæl. Laclos yfirgaf herinn 1788 og varð ritari hertogans af Orléans. Hann lét að sér kveða í stjórnmálum á byltingarárunum, var meðal annars fangelsaður tvívegis, en gekk síðan í herinn á nýjan leik. Hann lést á Ítalíu árið 1803. Hættuleg sambönd hafa haldið nafni hans á lofti og hafa vinsælar kvikmyndir verið gerðar eftir sögunni.

Innbundin – 670 bls.

Útgáfuár: 2021