Maður nokkur sendir dróna á loft yfir skóglendi. Skyndilega sér hann tjald á opnu svæði í skóginum. Það er nákvæmlega á sama stað og þar sem Evie Thorn var myrt fyrir fimm árum. Og nú kemur í ljós kona á dróna-skjánum. Hefur hún í alvöru tjaldað á nákvæmlega sama stað? Hjartað berst um í brjósti mannsins. Konur eiga ekki að tjalda einsamlar og alls ekki í dimmum skógi.
Lögregluforinginn Cato Isaksen felur Marian Dahle rannsókn máls sem brátt sýnist ætla að verða henni ofviða.
Æsispennandi krimmi eftir norsku glæpasagnadrottninguna Unni Lindell. Vinsælar sjónvarpsmyndir hafa verið gerðar eftir sögum hennar sem hafa verið sýndar á RÚV.
Snjólaug Bragadóttir þýddi.
* * * * * *
„Dróninn sýnir af hverju Unni Lindell er glæpasagnadrottning Noregs. Þetta er Unni Lindell eins og hún gerist best.“ – VG
„Þegar Lindell tekst best upp er lesandinn eins og límdur við blaðsíðurnar. Þetta leika fáir glæpahöfundar eftir ... Meistaralegar spennubókmenntir.“ – Adresseavisen
„Hver spennuhápunkturinn af öðrum ...“ – Dagbladet
„Marian Dahle ber af hetjunum í norskum glæpasögum um þessar mundir“ – Hamar Arbeiderblad
Kilja – 390 bls.
Útgáfuár: 2020