„Hvað étur peningavélin? Hún étur æsku, frjálsræði, lífmagn, fegurð, og umfram allt, étur hún sköpunarmátt. Hún étur gæði og skítur magni.“ – William Burroughs
Í þessari frægu bók bandaríska rithöfundarins Williams S. Burroughs segir frá dulrænum skæruher hömlulausra hinseginn ungmenna sem segja siðmenningu Vesturlanda stríð á hendur.
Þeir brjóta allar reglur samfélagsins í sama mund og hrun vestrænnar siðmenningar vofir yfir.
Með brotakenndum stíl sínum leikur Burroughs sér með tíma og rúm og dregur lesandann inn í óreiðukennda veröld þar sem siðferði, vald og mannlegt eðli eru stöðugt á reiki. Hefðbundin mörk leysast upp þar sem hold, langanir, frelsi, tækni og ofbeldi fléttast saman í trylltri sýn á fallandi heim.
Villistrákunum hefur verið lýst sem martraðakenndu meistaraverki, hrífandi og ögrandi í senn.
Örn Karlsson íslenskaði.
Ólafur Páll Sigurðsson ritaði eftirmála.
William S. Burroughs (1914–1997) var einn róttækasti og frumlegasti rithöfundur tuttugustu aldar. Í verkum sínum braut hann markvisst niður hefðbundið form skáldsögunnar og ögraði ríkjandi hugmyndum um siðferði, vald og samfélag. Líf hans einkenndist af stöðugri leit að frelsi — bæði listrænu og persónulegu — og búsetu víða um heim, frá Mexikóborg til Tangier, Parísar, London og New York. Með verkum á borð við Naked Lunch og The Wild Boys markaði hann sér sérstöðu í bókmenntasögu tuttugustu aldar og má kenna áhrifa hans víða.
Kilja – 248 bls.
Útgáfuár: 2026