Lögregluforinginn Maigret fær tilkynningu frá Interpol um að alræmdur svikari, sem gengur undir nafninu Lettinn Pietr, sé á leið til Frakklands. Maigret fær ítarlega lýsingu á útliti hans og ætlar að handtaka hann á lestarstöð við París. En þegar þangað kemur reynast æði margir samsvara lýsingunni á Lettanum Pietr.
Hver er hann í raun og veru? Og hvað vakir fyrir honum í París?
Í þessari fyrstu bók Simenons í bókaflokknum fræga um Maigret reynir sannarlega á innsæi franska lögregluforingjans við að komast að sannleikanum um hinn dularfulla Lettann Pietr.
Guðmundur J. Guðmundsson íslenskaði.
Belgíski rithöfundurinn Georges Simenon (1903–1989) hóf rithöfundaferil sinn í París um tvítugt. Hann sló í gegn með bókum sínum um Maigret en alls skrifaði hann rúmlega 400 skáldsögur.
„Maigret-bækurnar eru tímalausar rétt eins og París.“ – The Washington Post
„Einn mikilvægasti rithöfundur tuttugustu aldar.“ – Gabriel Garciía Márquez
„Maigret er á sama stalli og Sherlock Holms og Poirot í musteri ódauðlegra leynilögreglumanna í glæpasögum.“ – People
„Frábær ... Einstakur sögumaður.“ – The Observer
„Einn af mestu rithöfundum tuttugustu aldar.“ – Guardian
Kilja – 184 bls.
Útgáfuár: 2025