Eftir sjö ára hjónaband hefur hin fagra lafði Brenda fengið nóg af lífinu á Hetton Abbey, gotneska sveitasetrinu sem er stolt og yndi eiginmanns hennar, Tonys. Hún fer að halda við hinn grunnhyggna John Beaver, yfirgefur Tony og hverfur á vit samkvæmislífsins í London.
Óvænt örlög bíða söguhetjanna í þessari óviðjafnanlegu skáldsögu sem er í senn harmræn og kómísk og endurspeglar öðrum þræði sundrandi samfélagsgerð millistríðsáranna á Englandi.
Handfylli moldar er ein þriggja skáldsagna enska stílsnillingsins Evelyns Waughs sem valdar voru af Modern Library í flokk 100 bestu skáldsagna tuttugustu aldar.
Hjalti Þorleifsson íslenskaði.
„Meistaraverk í stíl og satíru, og bráðfyndin að auki ... stórkostleg bók.“ – John Banville, Irish Times
„Ein af nöprustu og beiskustu skáldsögum tuttugustu aldar, og ein af þeim allra bestu.“ – Guardian
„Yndisleg út í gegn.“ – New York Times
Kilja – 362 bls.
Útgáfuár: 2024