Brugðust dómstólarnir í Baugsmálinu?
Í þessari bók eru rakin dæmi um óheilbrigða viðskiptahætti sem þrifust í skjóli dómanna í Baugsmálinu. Höfundur leiðir líkur að því að dómarnir hafi orðið til þess að sumt sem áður var talið ólöglegt í viðskiptum var nú talið löglegt.
Auk þess gerðu dómstólarnir við meðferð Baugsmálsins mjög ríkar og óvæntar kröfur til ákæruvaldsins. Ýmislegt bendir til þess að það hafi dregið mátt úr þeim sem unnu að rannsókn hugsanlegra efnahagsbrota.
Höfundur kemst að þeirri niðurstöðu að dómstólarnir beri mikla ábyrgð á þeim viðskiptaháttum sem hér tíðkuðust í aðdraganda bankahrunsins.
Síðasta vörnin er ekki aðeins skyldulesning um víðtæk áhrif Baugsmálsins á íslenskt samfélag heldur jafnframt mikilsvert framlag til nauðsynlegra umræðna um störf dómstóla.
Kilja – 256 bls.
Útgáfuár: 2011