Eftir höfund metsölubókanna KRAFTURINN Í NÚINU og NÝ JÖRÐ.
„Það er kyrrðin innra sem mun bjarga og umbreyta heiminum,“ skrifar Eckhart Tolle.
„Þessi bók er ekki þess eðlis að hana beri að lesa spjaldanna á milli og leggja síðan frá sér. ... Margir lesenda munu finna hjá sér eðlilega hvöt til að staldra við eftir hverja efnisgrein, doka við, hugleiða, finna rósemdina. ... Leyfið bókinni að sinna sínu hlutverki að vekja ykkur og koma upp úr gamalkunnu hjólfari hinna síendurteknu og skilyrtu hugsana. Vitaskuld notast þessi bók við orð sem verða að hugsunum meðan á lestri stendur. En þetta eru ekki venjubundnar hugrenningar – ekki þessar síendurteknu og háværu sem snúast um sjálfar sig eða eru kröfuharðar á athygli. ... Þar sem hugleiðingarnar spretta upp úr kyrrð búa þær yfir krafti, kraftinum til að senda þig aftur í sömu hugarró og þær spruttu úr. Kyrrðin sú er einnig innri friður – og kyrrðin og friðurinn eru kjarni verundar þinnar. Það er kyrrðin innra sem mun bjarga og umbreyta heiminum.“ – ÚR FORMÁLA ECKHARTS TOLLE
Helgi Ingólfsson íslenskaði.
Metsölubækur Eckharts Tolle – Krafturinn í Núinu, Ný jörð og Ómur kyrrðar – eru meðal áhrifamestu bóka um andleg málefni á okkar tímum.
Kilja – 128 bls.
Útgáfuár: 2025