Í þessari bók bregður rithöfundurinn Joseph Roth (1894-1939) upp einstakri mynd af hlutskipti gyðinga í Austur-Evrópu á öndverðri tuttugustu öld – fátækt þeirra, rótleysi, ótta og vonum sem varð til þess að þeir freistuðu gæfunnar á fjarlægum slóðum. Roth fylgir þeim eftir og lýsir með ljóslifandi hætti nýjum heimkynnum gyðinga, afkomu þeirra og aðlögun í stórborgunum Vín, Berlín, París og New York. Bókin er í senn merkileg söguleg heimild og áhugaverð greining á átakamiklu efni í sögu Evrópu á tuttugustu öld. Bókinni fylgir eftirmáli sem Roth ritaði árið1937, tíu árum eftir að bókin kom fyrst út, en þá þegar hafði hann gert sér grein fyrir þeirri lífshættulegu ógn sem gyðingum stafaði af nasistum.
Joseph Roth er meðal fremstu rithöfunda Austurríkis á fyrri hluta tuttugustu aldar.
Jón Bjarni Atlason íslenskaði og ritaði eftirmála.
„Einn af meisturum tuttugustu aldar bókmennta.“ – Sunday Times
„Það er ljóð á hverri síðu hjá Joseph Roth.“ – Joseph Brodsky
„Stanslaus snilld, ómótstæðilegir töfrar og textar sem enn eiga erindi. – The New York Times Book Review um blaðamennsku Josephs Roth.
Joseph Roth (1894–1939) ólst upp í bænum Brody í Galisíu sem þá tilheyrði Austurríska-ungverska keisaradæminu. Hann starfaði fyrir helstu dagblöð á þýska málsvæðinu og enn í dag nýtur hann frægðar fyrir blaðagreinar sínar og ritgerðir. Roth bjó í Vínarborg, Berlín og París. Hann samdi fjölda skáldsagna og hafa margar þeirra verið kvikmyndaðar. Meðal þekktustu verka hans eru Hotel Savoy (1924), 1939) auk Gyðinga á faraldsfæti (1927) og ritgerða hans. Árið 2021 gaf Ugla út bókina Í útlegð eftir Joseph Roth í þýðingu Jóns Bjarna Atlasonar, en hún geymir Helgisögu drykkjumanns og ritgerðina „Mannsandinn brenndur á báli“.
Kilja – 175 bls.
Útgáfuár: 2024