Danski blaðamaðurinn Nóra Sand finnur ljósmynd af tveimur stúlkum í gamalli ferðatösku sem var keypt á fornsölu í Bretlandi. Myndin vekur áhuga hennar. Fljótlega kemur í ljós að hún tengist hvarfi tveggja danskra stúlkna á leið til Englands árið 1985. Nóra fer að garfa í þessu gamla máli. Áður en hún veit af er hún komin á slóð óhugnanlegs fjöldamorðingja. Leitin að sannleikanum um örlög stúlknanna reynist ískyggilegri en hana gat órað fyrir.
Stúlkurnar á Englandsferjunni sló í gegn þegar bókin kom út í Danmörku árið 2015 og hefur nú verið þýdd á yfir 15 tungumál.
Lone Theils var lengi fréttaritari dönsku blaðanna Politiken og Berlingske Tidende í London, en býr nú í Danmörku og fæst við ritstörf.
Þórdís Bachmann þýddi.
„Framúrskarandi glæpasaga“ — Kristeligt Dagblad
„Lone Theils býr yfir miklum hæfileikum ... Hún hefur skrifað afar vel stílaða og áhrifaríka glæpasögu.“ — Politiken
„Fínn og einlægur reyfari með kvenkynshetju sem maður myndi gjarnan vilja hitta aftur.“ — Berlingske Tidende
„Fyrsta skáldsaga Lone Theils er glæsileg frumraun.“ — Alt for Damerne
Kilja – 389 bls.
Útgáfuár: 2017