Í kæfandi hita síðla sumars kemur til átaka milli lögreglunnar og ungra innflytjenda í Árósum. Í sama mund finnst lík af nakinni konu á bak við gám á hafnarsvæðinu í borginni. Í ljós kemur að konan hafði dáið úr blóðmissi í kjölfar keisaraskurðar. Blaðakonan Dicte kemst á snoðir um mikilvægar vísbendingar og sogast inn í rannsókn málsins með lögreglumanninum Wagner. Þegar rannsóknin tekur að beinast að innflytjendahverfinu Gjellerup magnast spennan í átökum lögreglunnar og innflytjenda.
Danska spennusagnadrottningin Elsebeth Egholm er einn ástsælasti skáldsagnahöfundur Danmerkur. Vinsælir sjónvarpsþættir hafa verið gerðir eftir bókum hennar um Dicte og hafa þeir verið sýndir á RÚV. Sjálfsskaði er þriðja sagan í bókaflokknum um Dicte.
Sigurlín Sveinbjarnardóttir þýddi.
„Enn á ný hefur Elsebeth Egholm skrifað æsispennandi Dicte-bók sem heldur lesandanum í heljargreipum.“ – Jyllands-Posten
„Frábærlega spennandi.“ – Weekendavisen
„Einn allra besti glæpasagnahöfundur á jarðríki.“ – Daily Mail
Kilja – 365 bls.
Útgáfuár: 2021