Við fyrstu sýn virðist morðið ósköp venjulegt. En lögregluforingjanum Everts Bäckström finnst ekki allt vera eins og það sýnist. Hann er að vísu með hálfan huga við ströng fyrirmæli frá lækni um breytta lifnaðarhætti sem hann á erfitt með að fylgja.
En tilfinning Bäckströms reynist rétt. Nokkrum dögum síðar er framið annað morð sem tengist hinu fyrra. Fjölmiðlar setja morðin í samhengi við rán í stóru öryggisfyrirtæki ...
Sá sem drepur drekann er önnur bókin í seríunni skemmtilegu um litla, feita og fordómafulla letihauginn Evert Bäckström sem með einhverjum óskiljanlegum hætti tekst jafnan að skjóta kollegum sínum ref fyrir rass.
Jón Þ. Þór íslenskaði.
Bækur sænska verðlaunahöfundarins Leifs GW Persson hafa verið þýddar á yfir þrjátiu tungumál og hvarvetna hlotið frábærar viðtökur.
„Það jafnast enginn á við stórmeistara sænskra glæpasagna. Ekki síst þegar hann er upp á sitt besta eins og hann er í þessari bók.“ – Värmlands Foklblad,
„Besti glæpasagnahöfundur Sviþjóðar.“ – Borås Tidning
„Þeim sem finnst þetta ekki ánægjuleg lesning eru gersneyddir skopskyni. ... Dásamleg bók.“ – Aftenposten
„Leif GW Persson skrifar langskemmtilegustu glæpasögur Svíþjóðar. ... hrein og tær frásagnargleði.“ – Sveriges Radio Kulturnytt
„Algerlega brilljant glæpasaga. ... Leif GW Persson skrifar af öfundsverðri mælsku, sagan flæðir áreynslulaust yfir síðurnar og það er varla dauður punktur í plottinu.“ – Dagbladet
Kilja – 430 bls.
Útgáfuár: 2025