Á brennheitum ágústdegi finnst lítill drengur látinn í bíl. Þegar Malin Fors kemur á staðinn situr móðir hans í forsælu undir tré með son sinn í fanginu. Örvæntingarfull óp hennar hafa breyst í angurværan ekka.
Rannsókn lögreglu lýkur fljótt. Svo virðist sem móðirin hafi gleymt drengnum sofandi í bílnum. Þetta vekur skiljanlega hneykslun bæjarbúa sem margir vilja að móðirin sé látin svara til saka. Næstu vikur sætir hún hatri og hótunum á netinu.
Malin veltir fyrir sér hvernig beri að refsa þeim sem hefur þegar fengið verstu mögulegu refsingu. Mitt í þeim vangaveltum er framið morð sem beinir sjónum lögreglunnar aftur að máli litla drengsins.
Mons Kallentoft er einn af þekktustu rithöfundum Svíþjóðar. Ritröð hans um Malin Fors, lögregluforingja í Linköping, hefur notið mikilla vinsælda víða um lönd. Himinópið er tólfta bókin um Malin Fors en hinar ellefu — Sumardauðinn, Haustfórn, Vetrarblóð, Vorlík, Fimmta árstíðin, Englar vatnsins, Sálir vindsins, Moldrok, Brennuvargar, Vítisfnykur og Böðulskossinn — hafa selst í milljónum eintaka og verið þýddar á fjölda tungumála.
Jón Þ. Þór þýddi.
„Kallentoft kann þá list að búa til spennandi söguþráð og hér bregst honum ekki bogalistinn.“ – Ölandsbladet
„Kallentoft er einn allra besti glæpahöfundur samtímans. Kannski hefur hann aldrei verið betri en í þessari bók?“ – DAST Magazine
„... spennandi, hröð og áhrifamikil ...“ – Johannas deckarhörna
„Einn allra besti glæpasagnahöfundur samtímans.“ – DAST
Kilja – 373 bls.
Útgáfuár: 2023