Þegar lögregluforinginn Ryan er neyddur til að taka sér leyfi frá störfum finnur hann sér griðastað á eyjunni Holy Island í Norðymbralandi á Englandi. Stuttu síðar er friðurinn rofinn þegar ung kona finnst látin í hinum fornu klausturrústum á eyjunni.
Ryan tekur til við rannsókn málsins ásamt sagnfræðingnum Önnu Taylor sem er ráðgjafi lögreglunnar. En þeim gengur erfiðlega að hafa uppi á morðingjanum sem er kannski enn á eyjunni. Auk þess flækja aðstæður á eyjunni málið, heiðnar helgiathafnir og pólitík í litlu samfélagi.
Frábær glæpasaga, blönduð kímni og örlítilli rómantík, sem sló í gegn þegar hún kom fyrst út sem rafbók á amazon.com og varð að metsölubók á heimsvísu.
Ragnar Hauksson íslenskaði.
Enski rithöfundurinn LJ Ross er lögfræðingur að mennt en eftir velgengni bóka hennar hefur hún snúið sér einvörðungu að ritstörfum.
„Með þessari bók hefur LJ Ross skipað sér sess meðal bestu glæpasagnahöfunda.“ The Times
„Stórmynd í bókarformi!“ The Daily Express
„Gjörsamlega mögnuð frumraun.“ The Book Magnet
„Stórfengleg! Frábær og nútímaleg morðgáta.“ Relax and Read Book Reviews
Kilja – 420 bls.
Útgáfuár: 2026