Amma Eleanor er myrt með hrottafengnum hætti. Eleanor sér morðingjann hlaupa burt af morðstaðnum, en þar sem hún þjáist af sjúkdómi sem nefnist andlitsblinda getur hún ekki lýst honum fyrir lögreglunni. Nokkrum mánuðum síðar fær hún að vita að amma hennar hefur arfleitt hana að afskekktu sveitasetri sem hún vissi ekki að væri til.
Þegar hún skoðar setrið kemur í ljós að það geymir ýmis leyndarmál – og eftir því sem Eleanor skyggnist dýpra í fortíðina vakna fleiri spurningar. Hvaða mann hafði amma hennar raunverulega að geyma? Af hverju var hún myrt? Hvers vegna hélt hún eign sinni á sveitasetrinu leyndri?
Eleanor reynir að ráða í gáturnar en verður þess brátt áskynja að einhver er staðráðinn í að koma í veg fyrir að hún fái spurningum sínum svarað.
Ógnvænlegur spennutryllir sem fær hárin sannarlega til að rísa.
Camilla Sten hefur áður skrifað spennusöguna Þorpið sem fór sigurför um heiminn og fékk frábærar viðtökur íslenskra lesenda.
Elín Guðmundsdóttir íslenskaði.
„Ómögulegt að leggja frá sér.“ – Ragnar Jónasson um Þorpið.
„Lesendur munu finna kalt vatn renna milli skinns og hörunds. Alger unaður.“ – Booklist
„Hrífandi sálfræðitryllir.“ – Publishers Weekly
Kilja – 399 bls.
Útgáfuár: 2021