UM RIT GUÐBERGS BERGSSONAR
Óhætt er að kalla Guðberg Bergsson einn af jöfrum íslenskra nútímabókmennta. Í þessari einstæðu bók fjallar dr. Örn Ólafsson, bókmenntafræðingur, um allt höfundarverk Guðbergs ― skáldsögur, smásögur, bernskuminningar, ljóð og greinar, auk þýðinga. Örn dregur fram helstu sérkenni í verkum Guðbergs, meðal annars með hliðsjón af verkum nokkurra samtímahöfunda og umfjöllun annarra fræðimanna. Í bókinni eru frábærar ljósmyndir af Guðbergi, sem ljósmyndarar Morgunblaðsins hafa tekið gegnum tíðina, auk litmynda af kápuforsíðum allra frumsamdra bóka hans.
Örn Ólafsson fæddist í Reykjavík árið 1941. Hann varð cand.mag. í íslenskum fræðum frá Háskóla Íslands árið 1970 og doktor í bókmenntafræðum frá háskólanum í Lyon í Frakklandi árið 1984. Hann hefur kennt íslenska tungu og bókmenntir við Menntaskólann í Hamrahlíð, Lyon-háskóla, Háskóla Íslands, Kaupmannahafnar-háskóla, háskólann í Osló og Studieskolen í Kaupmannahöfn.
Örn hefur skrifað um bókmenntir í DV og Morgunblaðið ásamt tugi greina um bókmenntir í ýmis tímarit. Guðbergur er sjötta bók hans, en meðal fyrri bóka hans eru Rauðu pennarnir (1990), Kóralforspil hafsins (1992), um módernisma í íslenskum bókmenntum, og Seiðblátt hafið (2008), um íslensk ljóð, rómantísk og nýrómantísk.
Innbundin – 320 bls.
Útgáfuár: 2012