Gömul kona finnst látin í lest. Hún hafði verið stungin til bana. Engin vitni voru að morðinu og engin virðist vita af hverju þessi hægláta kona var myrt. Brátt beinist rannsóknin að litlum heimabæ konunnar. Stuttu síðar er önnur kona myrt. Vera Stanhope finnur á sér að morðin tengist, en hún þarf að kafa djúpt í fortíðina til að komast að því með hvaða hætti. Er þriðja morðið yfirvofandi? Vísbendingar leiða Veru að kyrrlátri götu í bænum. Hvað er það sem íbúarnir við þá götu forðast tala um?
Bækur breska verðlaunahöfundarins Ann Cleeves um Veru Stanhope njóta mikilla vinsælda, ekki síst eftir gerð velheppnaðra sjónvarpsþátta sem meðal annars hafa verið sýndir hér á landi. Þetta er fjórða bókin um Veru sem kemur út á íslensku.
„Lausn ráðgátunnar kom gersamlega á óvart ... Hafnargata er ein af þessum bókum sem maður vill ekki að endi.“ – Crime Fiction Lover
„Ef þú heillast af sjónvarpsþáttunum, þá áttu von á góðu, því að bækurnar eru ekki aðeins öðruvísi heldur betri.“ – Leicester Mercury
„Ann Cleeves er fimur sögumaður sem kann að halda athygli lesandans ... Vald hennar á tungunni og hugvitssamleg tækni hennar við að segja sögu gera hana að einum allra snjallasta og hæfileikaríkasta glæpasagnahöfundi samtímans.“ – Sunday Telegraph
Þórdís Bachmann þýddi.
Kilja – 366 bls.
Útgáfuár: 2020