Æviminningar sendiherra
Einar Benediktsson er einn af okkar reyndustu sendiherrum. Hann starfaði í utanríkisþjónustunni í meira en þrjá áratugi og var sendiherra í París, London, Washington, Brussel og Osló.
Allan tíma sinn í utanríkisþjónustunni var Einar í fararbroddi samskipta Íslands við aðrar Evrópuþjóðir – allt frá aðildinni að EFTA til EES-samningsins. Gerðist Einar snemma eindreginn talsmaður þess að Ísland sækti um aðild að Evrópusambandinu.
Í þessari bók bregður Einar upp einstökum myndum af lífi og starfi stjórnarerindreka á viðburðamiklum tímum, ekki síst Parísarárunum þar sem hann dvaldi lengst. Hann lýsir æskuárum sínum í Reykjavík kreppu- og styrjaldarára, segir frá foreldrum sínum, hinum goðsagnakennda afa sem hann var heitinn eftir og forvitnilegum örlögum ættmenna sinna, svo sem föðursystkina og frændfólks af Ráðagerðisætt á Nýja Sjálandi.
Yfir frásögninni allri er viðfeldinn blær manns sem ekki aðeins hefur verið virkur þátttakandi í straumum og stefnum síns tíma heldur hefur gert sér far um að skyggnast undir yfirborðið – og skilja heiminn.
Innbundin – 298 bls. + 16 myndasíður
Útgáfuár: 2009