Dag einn í septembermánuði er Malin Fors kölluð út til að rannsaka morð í einu af fínni hverfum Linköping. Hjón hafa fundist látin í heitum potti við hús sitt. Fimm ára gömul uppeldisdóttir þeirra, Ella, er hvergi sjáanleg. Mikil leit hefst að barninu. Þung rigningarský hvíla yfir borginni og endurspegla hugarástand Malinar og samstarfsfólks hennar. Við rannsókn málsins verða óljós skilin milli lífs og dauða — milli góðs og ills.
Enn á ný neyðist Malin til að horfast í augu við eigin djöfla. Áfengið er freistandi flóttaleið frá veruleikanum. En hún má ekki bregðast Ellu litlu, hún verður að finna hana og klófesta þann sem myrti foreldra hennar.
Mons Kallentoft er einn af þekktustu höfundum Svíþjóðar. Ritröð hans um Malin Fors, lögreglukonu í Linköping, hefur notið mikilla vinsælda. Englar vatnsinser sjötta bókin um Malin Fors en hinar fimm — Sumardauðinn, Haustfórn, Vetrarblóð, Vorlík og Fimmta árstíðin — hafa selst í meira en milljón eintaka og verið þýddar á 24 tungumál.
„Æsispennandi frá upphafi til enda. Glæpasaga í hæsta gæðaflokki.“ — Expressen
„Sannarlega lestursins virði, lifandi frásögn og miskunnarlaus.“ — GAUTABORGS-POSTEN
„Gleymdu Stieg Larsson. Kallentoft er betri!“ — ICA-KURIREN
„Einhver kallaði Kallentoft konung sænsku glæpasögunnar um þessar mundir. Það eru engar ýkjur.“ — ÖSTRAN
Kilja – 413 bls.
Útgáfuár: 2017