SAGA ÞÝSKRAR FJÖLSKYLDU
Síðla sumars 1944 var Hans Georg Klamroth, foringi í þýsku leyniþjónustunni, tekinn af lífi vegna aðildar sinnar að júlí-samsærinu um að ráða Adolf Hitler af dögum. Yngsta dóttir hans, Wibke Bruhns, var þá sex ára. Áratugum síðar horfir hún á heimildarþátt um þessa atburði. Þar bregður fyrir myndum af föður hennar. Hún starir á sviplaust andlit hans og sér sjálfa sig í honum — en finnur að hún þekkir hann ekki neitt. Margar spurningar vakna í huga hennar. Hvers vegna urðu foreldrar hennar nasistar? Hvernig var að vera Þjóðverji á nasistatímanum? Og hvað varð til þess að faðir hennar sneri að lokum baki við Hitler?
Sjónvarpskonan og blaðamaðurinn Wibke Bruhn ákveður að kafa ofan í fortíðina. Hún finnur mikið af ómetanlegum heimildum — dagbækur, sendibréf, ljósmyndir. Afraksturinn af rannsókn hennar er þessi áhrifamikla fjölskyldusaga þriggja kynslóða sem veitir einstaka innsýn í sögu þýsku þjóðarinnar á 20. öld. Bókin sló í gegn í Þýskalandi og hefur verið þýdd á fjölda tungumála.
Fjölmargar myndir prýða bókina.
Dr. Vilborg Auður Ísleifsdóttir þýddi.
„Hjartnæm, tilkomumikil og algerlega sannfærandi ... Það er ekki hægt að lesa þessa bók án þess að verða snortinn inn að hjartarótum.“ – Die Zeit
„Stórkostleg bók sem nánast áreynslulaust svarar spurningu allra spurninga: Hvernig gat þetta gerst?“ – Frankfurter Allgemeine Sonntagszeitung
„Verulega áhrifamikil og einlæg.“ – The Times
Kilja – 524 bls.
Útgáfuár: 2016